JOIBE AI 17 DI MARÇ 2016

Joibe ai 17 di Març 2016, pe Zornade de Unitât di Italie, intun incuintri culturâl inmaneât dal Club pal Unesco di Udin alì de sede universitarie locâl di Palaç di Top Wassermann, il prof. Alberto Travain, dean dal moviment civic culturâl alpin-adriatic dal Fogolâr Civic e dal circul universitari furlan de Academie dal Friûl, fradaiis aderentis a chê iniziative, al à vût dal public un biel riscuintri sul so intervent in lenghe furlane titulât “’Zico o Austria!’: storie culturâl e politiche di une antighe menace furlane”, contribût sui tancj secui di storie de passion pe Austrie ator pe Furlanie, dai timps dai scuintris tra fazions di nobii e podê centrâl jù pe Ete di Mieç aes diferentis adesions di popul in tancj moments des epochis Moderne e Contemporanie fin a chê “batude” separatiste dabon famose jentrade tal titul, sproc dal 1983 di rispueste ae contrarietât de Federazion dal balon taliane che l’“Udin” al rivàs a cuistâ il campion brasilian stragrant Arthur Antunes Coimbra batiât par Zico.